पैसा कमाउन सकिएन ?

मंसिर १५, २०७६

संसारमा ७ अर्बभन्दा धेरै मानिस छन् । यी सबैको मुख्य चिन्ता ‘पैसा कसरी कमाउन सकिन्छ’ भन्ने हो । निकै जटिल विषय ‘पैसा कमाउने तरिका’ धेरैले जानेका हुँदैनन् । सोहि कारण कतिपय मानिस अवैध तरिकाले पैसा कमाउन चाहन्छन् । तर, यसरी कमाएको पैसाले सुख होइन तनाव मात्रै दिने गर्छ । यदि इमान्दार भएर राम्रो पैसा कमाउन खोज्नुभएको छ भने केही नयाँ सोच र तरिका जान्न आवश्य छ ।

रामजी ज्ञवालीले विभिन्न अनलाइन, अन्तराष्ट्रिय एजेन्सीहरुको सहयोगमा धेरैका तनावलाई कम गर्न खोजेका छन् ।

- सबैभन्दा पहिले आनो क्षमता बढाउनु जरुरी हुन्छ । क्षमताको प्रयोग गरेर रोजगारी या कारोवार गर्नु उत्तम हुन जान्छ । त्यसबाट बचत तथा लगानीका लागी थप अवसर समेत खोज्न सकिन्छ ।

-  वित्तीय क्षेत्रका जानकाहरु भन्छन्, पैसा कमाउनका लागि सपना मात्रै देखेर पनि  हुँदैन । त्यसका लागि सही र सहज प्रयास समेत गर्नु जरुरी हुन्छ ।

-  सपना देख्नेहरु सफल हुन्छन् । मान प्रतिष्ठा र पैसा समेत कमाउन सक्छ । सपना नदेख्नेले समाजमा कुनै पनि प्रकारको प्रगति गर्न सक्दैन । यदि तपाई केही ठूलो काम गर्ने सपना देख्नुहुन्छ, तव तपाइलाई त्यसले केही न केही थप मार्ग प्रशस्त गरिदिन्छ । वारने बफेट, अमेजनका मालिक हुन् वा रिलायन्स इन्डस्ट्रिजका मालिक मुकेश आम्बानी । उनीहरुले सपना देखेकै कारण अर्वपती भएका हुन् ।

-  जानकारहरुका अनुसार मानिसले आफ्नो क्षमता, योग्यता के हो त्यो पहिचान गर्न जरुरी छ । त्यसले सफल हुन मद्दत पुग्छ । मार्गनिर्देशन गर्दछ । मनदेखि नै गरेको काम तथा क्षमताको पहिचानले मात्रै आफुले खोजेको सफलता हासिल गर्न सकिन्छ ।

-  पैसा कमाउने विषय सजिलो र सहज थियो भने, सडकभरी अर्वपतीहरुको मात्रै भिडभाड हुन्थ्यो होला । त्यसैले यसका लागी कडा मेहनत र डेडिकेशनको जरुरी पर्दछ ।

-  रोडबाट उठेर करोडपती भएकाहरुले जीवनमा कसरी संघर्ष गरे ? उनीहरुका बारेमा वजारमा प्रशस्त पुस्तकहरु पाइन्छ । उनीहरुले गरेको संघर्षका कथा पढ्ने गर्नुस् । यसले के सिकाउन सक्छ भने, तपाइहरुभन्दा पनि तल्लो स्तरबाट उठेर पनि मानिस करोडपती कसरी भए ?

-  विद्यालय तथा कलेजमा पढ्ने भन्दा ट्यूशन तथा कोचिङ पढ्ने संस्कार ह्वात्तै बढेको छ । रोजगारी पाउनु सकिएको छैन भने घरमै बसेर पनि यो काम सुरु गर्न सकिन्छ । त्यसले आम्दानी मात्रै होइन आफैले पढेको कुराको पुनः जानकारी हुन्छ ।

-  पछिल्लो समय अधिकांश व्यक्ति सामाजिक सञ्जालमा रमाइरहेका छन् । विहान उठेदेखि राती आँखा बन्द नहुनेबेलासम्म सामाजिक सन्जालमा भुल्नेहरु धेरै छन् । तर, त्यसैलाई आम्दानीको बलियो स्रोत बनाउन सकियो भने त गज्जब हुन्छ नि । सामान्य रुपमा केही तालिम तथा अनुभव हासिल गरेपछि तपाईले सामाजिक सञ्जाल मार्फत नै राम्रो कमाई गर्न सक्नुहुन्छ । यसका लागी आइटी इन्जिनियरहरु प्रशस्तै छन्, उनीहरुबाट सिक्ने प्रयास गरौं ।

-  अब अरुका भिडियो हेरेर हांस्दै नबसौं । आफै युट्युबमा भिडियो राख्ने र पैसा कमाउने गरौं । धेरैलाई के थाहा छैन भने, युट्युबमा आउने विभिन्न प्रकारका भाइरल भिडियो पैसा कमाउका लागी गराइएको हो । सकेसम्म इमान्दार भएर राम्रा भिडियो गराएर युट्युबमा भिडियो अपलोड गरेर मज्जाले पैसा कमाउन सकिन्छ । भारतमा युट्युबबाट मासिक करोड सम्म कमाउने व्यक्ति धेरै छन् भने संसारमा मानिस करोड कमाउने व्यक्तिको संख्या उल्लेख्य मात्रामा भेट्न सकिन्छ । नेपालमै पनि धेरै मासिक रुपमा १ देखि १० लाख सम्म कमाएका व्यक्तिको संख्या बाक्लो छ ।

-  सहज रुपमा पैसा कमाउन सकिने अर्को तरिका हो, ट्राभल एजेन्ट । भाषाको राम्रो ज्ञान छ भने पर्यटकिय स्थानको बारेमा जानकारी लिन थाल्नुस् । र, काम सुरु गर्नुहोस् । पर्यटक घुमाएर करोडौं कमाउनेहरु संसारमा धेरै छन् ।

-  घरमा आरामपूर्वक बसेर ब्लगिङबाट पनि राम्रै रकम हात पार्न सकिन्छ । यसका लागि तपाईंको सिर्जनशील लेखनको आवश्यकता पर्छ । विज्ञापनको चिन्ता लिनु पर्दैन, पाठकहरु पढ्दै गएको खण्डमा गुगलले आफै विज्ञापन राखिदिन्छ ।

-  आजभोलि अनलाइन सपिङको जमाना बढेको छ । भलै यो पेशाले क्षणभरमै फाइदा दिदैन । तर, केही समयको संघर्षपछि यसबाट पनि राम्रै पैसा कमाउन सकिन्छ ।

-  आजभोलि सबैसँग स्मार्टफोन छ । यदि तपाईले कुनै राम्रो एप बनाउन सक्नुभयो भने निकै आकर्षक पैसा कमाउन सकिन्छ ।

-  यदि तपाईंको दिमागमा कथा बुन्ने क्षमता छ भने किताब लेख्नुस् । केवल एक वेष्ट सेलर पुस्तकले नै तपाईंलाई करोडपति बनाउन सक्छ ।

-  एकदमै क्रियटिभ हुनुहुन्छ ? केही नयाँ इभेन्ट गर्न सक्नुहुन्छ भने इभेन्टले नै तपाईंलाई करोडपति बनाइदिन सक्छ । इभेन्ट म्यानेजमेन्ट गरेर धेरैले आफ्नो सपना पुरा गरेका छन् ।

-  विभिन्न किसिमका व्यापार, व्यवसाय गर्न सकिन्छ । जे गर्नुहोस्, अलिकति फरक किसिमले गर्नुहोस् । समान बेच्ने काम हो भने, तपाइको पसलमा आउन उनीहरुलाई अल्छी लाग्न सक्छ । सोहि कारण समाजिक सन्जालको प्रयोग गरेर घरमै समान पुराइदिएपनि राम्रो पैसा आउँछ ।

-  एकदमै खुसी हुने प्रयास गर्नुस् । अनि मात्रै दिमाग चलाउनुस् । संसारमा तपाइहरुभन्दा तल्लो स्तरका मानिसहरु पनि जिवनयापन गरेकै छन् । आफुभन्दा माथिल्लो व्यक्तिलाई पछ्याउनुहोस् र आफुभन्दा तल्लो स्तरको व्यक्तिलाई हेरेर चित्त बुझाउनुहोस् । अनावश्यक खर्च नगर्नुहोस् । इज्ययतको ख्याल गरेर काम थाल्नुहोस् । पैसा कमाउन नसकेर अर्कै बाटो लाग्नुभयो भने त्यसले आफैलाई फसाउन सक्छ ।

http://bit.ly/34AX7vC

• Tweet
• Share
• Share
• Share
• Share

About Admin MC3

This is dummy text. It is not meant to be read. Accordingly, it is difficult to figure out when to end it. But then, this is dummy text. It is not meant to be read. Period.

Related Post