बच्चाहरुको आ आफ्नै गुण र स्वभाव हुन्छ । कोही शान्त हुन्छन्, कोही चकचके । चकचक गर्नु नराम्रो होइन । हामीले जुन कुरा चकचक लाग्छ, उनीहरुलाई खेल ठानिरहेका हुन्छन् । मानौं घरमा सजाइएका सामाग्रीहरु बल बनाएर खेल्छन्, एक्युरियम भित्र हात छिराएर माछा समाउन थाल्छन् । खासमा उनीहरुले चकचक गरेको होइनन्, खेलेका हुन् । तर, ति कुराहरु खेलौना होइनन् र खेल्ने तरिका त्यस्तो होइन भन्ने कुरा चाहि बुझाउनुपर्छ ।
बच्चाहरु स्वभावैले जिज्ञासु हुन्छन् । उनीहरुलाई हरेक कुरामा उत्सुकता हुन्छ । त्यही उत्सुकता मेट्ने क्रममा कहिले उनीहरुले खेलौना फुटाउँछन्, कहिले फूलहरु चुडाउँछन् । उनीहरुले त आफुभित्र उब्जिएको जिज्ञासा शान्त गर्न त्यसो गरेका हुन्छन्, हामीलाई चाहिँ त्यो चकचक लाग्छ ।
के गर्ने, के नगर्ने वा कसरी गर्ने भन्ने कुरा आमाबुवाले नै बुझाउनुपर्छ ।
कतिपय बच्चा चाहि यस्ता हुन्छन्, जो एकक्षण शान्त बस्नै नसक्ने । चुलबुल गरिरहने । जे देख्नसाथ छुने, चलाउने, फुटाउने, पोखाउने । उनीहरुले पनि जानेर गल्ती गरेका त होइनन् । तर, उनीहरुको यस्तो स्वभावले कतिपय अवस्थामा जोखिम पनि हुन्छ । उनीहरुलाई पूर्णत नियन्त्रण गर्न सकिदैन र त्यो ठिक पनि होइन । तर, उनीहरुको यस्तो प्रवृत्तिलाई सही रुपले व्यवस्थापन गर्न सकिन्छ ।
केही न केही काममा व्यस्त राख्ने
त्यस्ता बच्चाहरु, जो अति नै चुलबुले छन्, उनीहरुलाई त्यस्ता गतिविधिहरुमा व्यस्त राख्नु पर्छ, जसले उनीहरुको शारीरिक उर्जालाई सही दिशामा सञ्चालित गर्न सकून् । उनीहरुलाई नृत्य, खेलकुदसंग सम्बन्धित गतिविधिहरु जस्तै दौड, बास्केटबल, क्रिकेट अथवा स्विमिङ जस्ता खेलकुदका गतिविधिहरुमा सहभागि गराउनु राम्रो हुन्छ ।
दिमागी खेलकुदमा लगाउने
मेन्टल एरोबिक्सले दिमागलाई प्रोत्साहित गर्न, ध्यान केन्द्रित गर्न र धेरै सतर्क बनाउनलाई सहयोग पु¥याउँछ । त्यसैले उनीहरुलाई बल बाउन्स गराउन, बोर्ड गेक्वास जस्ता दिमागी खेलकुदमा सहभागि गराउनु पर्छ । त्यस्ता कुराहरुमा व्यस्त गर्नाले उनीहरुको चुलबुले व्यवहार अर्को दिशामा मोड्न सहयोग पुग्छ ।
प्राकृतिक वातावरणमा रमाउन दिने
टेलिभिजन, प्ले स्टेशन, भिडियो गेम, मोबाइल फोन र कम्प्यूटरहरुको बढि प्रयोगले अत्यधिक सक्रियतामा उत्प्रेरक किसिमले काम गर्न सक्छ । जस्तै कार्टुन र भिडियो गेमहरुमा केही समयपछि धेरै हलचल, तिखो आवाज र भड्किलो रंग देखाइन्छ । त्यस्ता कुराहरुले उनीहरुलाई सामान्य आचरण प्रति गलत संकेत प्रदान गर्छ, जसले उनीहरुको चकचके बानी झन बढ्छ । त्यस्ता ग्याजेटहरुको प्रयोग गर्न दिनु भन्दा बाहिर शान्त, हरियालाी वातावरणमा विभिन्न गतिविधिहरुका लागि लिएर जानु पर्छ । फूल र बगैंचामा खेल्न दिनुपर्छ ।
This is dummy text. It is not meant to be read. Accordingly, it is difficult to figure out when to end it. But then, this is dummy text. It is not meant to be read. Period.
ConversionConversion EmoticonEmoticon